ՍՈւՐԵՆ ՇԱՀՎԵՐԴՅԱՆ

Սուրեն Ֆլոբերի Շահվերդյանը ծնվել է 1977 թվականին Վանաձորում։ Սովորել է ԵԹԿՊԻ-ի ռեժիսուրայի բաժնում։

1999 թվականին Սունդուկյանի անվ. թատրոնում բեմադրել է Թ. Ուիլյամսի «Տրամվայ «Ցանկությունը»» ։ 2000 թվականին այն մասնակցել է «Շերմուկշնիս» փառատոնին (Կլայպեդա, Լիտվա) և արժանացել մրցանակի։

2003 թվականին բեմադրել է Կ. Խոդիկյանի «Ցելոֆանե երջանկություն» մոնոներկայացումը: «Արմմոնո» փառատոնում այն արժանացել է մրցանակի։

2004 թվականին Սունդուկյանի անվ. թատրոնում բեմադրել է Ս. Քեյնի « Փսիխոզ 4:48 » ներկայացումը։ Նույն թվականին այն մասնակցել է «Սիբ-Ալտերա» փառատոնին (Նովոսիբիրսկ, Ռուսաստան), «Իրանզամին» 6-րդ փառատոնին (Ահվազ, Իրան), որտեղ արժանացել է «Լավագույն ռեժիսոր» մրցանակին: 2005 թվականին այն մասնակցել է «Չեխովյան» փառատոնին (Մոսկվա, Ռուսաստան), «Սևծովյան երկրների 6-րդ փառատոնին» (Տրապիզոն, Թուրքիա): 2006 թվականին այն մասնակցել է «Միջազգային փորձարարական թատրոնի» փառատոնին (Կահիրե, Եգիպտոս), որտեղ արժանացել է «Լավագույն ռեժիսոր» մրցանակին։ 2008 թվականին մասնակցել է «Բաբել ֆեսթ» փառատոնին (Տրգովիշտե, Ռումինիա)։ 2012 թվականին մասնակցել է «Բունտե-Բունե» փառատոնին (Շտուտգարտ, Գերմանիա)։

2006 թվականին Սունդուկյանի անվան թատրոնում բեմադրել է Լ. Բերֆուսի «Մեր ծնողների սեռական նևրոզները» ։

2007 թվականին «Թատրոն 8»-ում բեմադրել է «Աղախիններ» պլաստիկ դրաման՝ ըստ Ժ. Ժենեի համանուն պիեսի։ 2008 թվականին այն մասնակցել է «Սևծովյան երկրների 9-րդ փառատոնին» (Տրապիզոն, Թուրքիա): 2009 թվականին այն մասնակցել է «Բաբել ֆեսթ» փառատոնին (Տրգովիշտե, Ռումինիա), «Բելավա վեժա» փառատոնին (Բրեստ, Բելառուս)։ 2010 թվականին այն մասնակցել է «Բունտե-Բունե» 21-րդ փառատոնին (Շտուտգարտ, Գերմանիա), «Ապոստրոֆ» փառատոնին (Պրահա, Չեխիա), որտեղ արժանացել է «Լավագույն ռեժիսոր» մրցանակին։ 2011 թվականին այն մասնակցել է «Ռեվոլուշնզ» փառատոնին (Ալբուկերկե, ԱՄՆ): 2012 թվականին այն մասնակցել է «Ինտեր Ռամպա» փառատոնին (Ռոկիշկիս, Լիտվա)։ 2013 թվականին ներկայացումը շրջագայել է Նիդերլանդների մի քանի քաղաքներում։ 2016 թվականին այն մասնակցել է «Բաբել ֆեսթ» փառատոնին (Տրգովիշտե, Ռումինիա)։

2009 թվականին բեմադրել է «Սիրահարված Հիտլերը» ներկայացումը Տոնի Բուլանդրայի թատրոնում (Տրգովիշտե, Ռումինիա)։ Նույն թվականին այն մասնակցել է «Սևծովյան երկրների 10-րդ փառատոնում» (Տրապիզոն, Թուրքիա), "Teatro delle Emozioni Performance" փառատոնին (Հռոմ, Իտալիա), «Միջազգային ժամանակակից թատերական փառատոնին» (Շանհայ, Չինաստան), «Բունտե-Բունե» 20-րդ փառատոնին (Շտուտգարտ, Գերմանիա), «Ապոստրոֆ» փառատոնին (Պրահա, Չեխիա), որտեղ արժանացել է մրցանակի։ 2016 թվականին այն մասնակցել է «Սոլո» փառատոնին (Մոսկվա, Ռուսաստան)։

2009 թվականին բեմադրել է «Տրամվայ «Ցանկություն»» -ը Տոնի Բուլանդրայի թատրոնում (Տրգովիշտե, Ռումինիա): Ներկայացումը 2010 թվականին մասնակցել է «Սևծովյան երկրների փառատոնին» (Տրապիզոն, Թուրքիա)։

2012 թվականին բեմադրել է Ա. Գևորգյանի «Ես կին եմ» ներկայացումը «Թատրոն 8»-ի շրջանակներում։ Ներկայացումը խաղացվել է Հայաստանի տարբեր քաղաքներում։

2015 թվականին Հ. Ղափլանյանի անվ. դրամատիակական թատրոնում բեմադրել է Է. Պետրոսյանի «Սև դառը շոկոլադ» ներկայացումը։

2015 թվականին մասնակցել է «Հանի-մանի» ֆիլմի նկարահանումներին, եղել ֆիլմի երկրորդ ռեժիսորը, 2017 թվականին եղել է «Նա ասաց՝ մայրիկ» ֆիլմի երկրորդ ռեժիսորը։

2016 թվականին բեմադրել է Ու. Շեքսպիրի «Օթելլո» -ն Տոնի Բուլանդրայի թատրոնում (Տրգովիշտե, Ռումինիա): Այն մասնակցել է «Բաբել ֆեսթ» փառատոնին (Տրգովիշտե, Ռումինիա) և արժանացել «Լավագույն ռեժիսոր» մրցանակին։ 2016 թվականին այն մասնակցել է նաև «Ատելիեր» փառատոնին (Բայա Մառե, Ռումինիա), "Miturile Cetatii" փառատոնին (Կոստանցա, Ռումինիա), "FESTin pe Bulevard" փառատոնին (Բուխարեստ, Ռումինիա), որտեղ նույնպես արժանացել է մրցանակի։ 2017 թվականին մասնակցել է "Theatre as a Street" փառատոնին (Ռեսիտա, Ռումինիա) «Անթալիայի փառատոնին» (Անթալիա, Թուրքիա), "ULICA" փառատոնին (Կրակով, Լեհաստան), "ST BOMB" (Սեուլ, Հարավային Կորեա) և «Տեջոն» (Տենջոն, Հարավային Կորեա) միջազգային փառատոներին։ 2018 թվականին այն մասնակցել է «Շեքսպիրյան» փառատոնին (Կրայովա, Ռումինիա), «Դրիմ ֆաքթորի» փառատոնին (Օստրավա, Չեխիա)։

2018 թվականին Թ. Ուիլյամսի «Տրամվայ «Ցանկություն»» -ը բեմադրել է Երևանի Հ. Ղափլանյանի անվան թատրոնում ։

2018 թվականին բեմադրել է «Կարմեն» պլաստիկ դրաման ըստ Պ. Մերիմեի համանուն պատմվածքի Տոնի Բուլանդրայի թատրոնում (Տրգովիշտե, Ռումինիա)։ Նույն թվականին այն մասնակցել է «Բաբել ֆեսթ» փառատոնին (Տրգովիշտե, Ռումինիա):

2020 թվականին, արդեն չորրորդ անգամ բեմադրել է Թ. Ուիլյամսի «Տրամվայ «Ցանկությունը»» Ալիտուսի դրամատիկական թատրոնում (Ալիտուս, Լիտվա):

2023 թվականին Ստանիսլավսկու անվ. թատրոնում բեմադրել է Ջ. Գոլդմենի «Թագավորների խաղերը» դրաման: Ներկայացումը մասնակցել է «Խաղաղօվկիանոսյան փառատոնին (Վլոդիվոստոկ, Ռուսաստան):

2023 թվականին Ստանիսլավսկու անվ. թատրոնի բեմում բեմադրել է Ս. Նալբանդյանի «Իսկ վերջում ստրիպտիզ» կոմեդիան:

2024 թվականին Ստանիսլավսկու անվ. թատրոնում բեմադրել է ըստ Ի. Գոնչարովի «Սովորական պատմություն» վեպի «Փող։ Կիրք։ Իշխանություն։» դրաման:

019 թվականից մինչ օրս դասավանդում է ԵԹԿՊԻ -ում, ղեկավարում է դերասանական կուրսեր:

2023 թվականի դեկտեմբերի 29-ից Կ. Ստանիսլավսկու անվան ռուսական դրամատիկական թատրոնի տնօրենի ժ/պ։

2024 թվականի հունիսի 21-ից Կ. Ստանիսլավսկու անվան ռուսական դրամատիկական թատրոնի տնօրենն է: