Յուլիա Ֆինկ

Ծնվել է 1983 թվականի նոյեմբերի 2-ին։

Ավարտել է Երևանի թատրոնի և կինոյի պետական ինստիտուտը։

Թատրոնում աշխատում է 2005 թվականից։

Խաղացել է հետևյալ ներկայացումներում՝ Պ. Բոմարշեի «Խելահեղ օր, կամ Ֆիգարոյի ամուսնությունը» (Կոմսուհի), Ժ. Աղասյանի «Երեքը» (Նատաշա), Լ. Շանթի «Կեսար» (Խանա), Ա. Ցագարելու «Խանումա» (Սոնա), Գր. Գորինի «Հիշատակման աղոթք» (Կին), Ա. Չեխովի «Մոսկվա, Մոսկվա, Մոսկվա՛» (Մաշա), Գ. Սլուցկու «Վեց ուտեստ՝ մեկ հավից» (Իրա), Ա. Ստրինդբերգի «Ֆրկեն Ժյուլի» (Ֆրեկեն Ժյուլի), Ա. Գրիբոյեդովի «Խելքից պատուհաս» (Սոֆյա), Ու. Շեքսպիրի ստեղծագործության հիման վրա բեմադրված «Համլետ․ Collapse» (Կին)։

Խաղացել է նաև մանկական ներկայացումներում՝ Ի. Իգորովի և Ե. Չուբորովայի «Արքայադստեր հարյուր համբույրը» (Ֆրեյլինա), Ե. Շվարցի «Երկու թխկի» (Վասիլիսա), Ս. Մարշակի «Կատվի տունը» (Մորաքույր կատու) և այլն։

Որպես զգեստների նկարիչ՝ աշխատել է հետևյալ ներկայացումների վրա՝ «Արքայադստեր հարյուր համբույրը», «Կոշկավոր կատուն», «Ֆրեկեն Ժյուլի», «Երկու գումարած երկու», «Հայրիկը սարդոստայնում», «Փող։ Կիրք։ Իշխանություն», «CHECK IN LOVE», «Թումաչ ռոմանտիկ», «Կոնտրաբաս»։