2026 թ. նոյեմբերի 7
Կ. Ս. Ստանիսլավսկու անվան թատրոնը Մոսկվայում կներկայացնի «Առյուծը ձմռանը» ներկայացումը
Հայաստանի Հանրապետության կրթության, գիտության, մշակույթի և սպորտի նախարարությունը և Ռուսաստանի Դաշնության մշակույթի նախարարությունը ներկայացնում են Ռուսաստանի Դաշնությունում Հայաստանի Հանրապետության մշակույթի օրերը։
2026 թվականի նոյեմբերի 12-ին՝ ժամը 19:00-ին, «Թատերական արվեստի ստուդիա» թատրոնի հիմնական բեմում կցուցադրվի Երևանի Կ. Ս. Ստանիսլավսկու անվան պետական ռուսական դրամատիկական թատրոնի «Առյուծը ձմռանը» ներկայացումը։ Ռեժիսոր՝ Սուրեն Շահվերդյան։
Ջեյմս Գոլդմանի պիեսի հիման վրա ստեղծված բեմադրությունը բացահայտում է իշխանության, անձնական կապվածությունների և բարոյական ընտրության միջև հակասությունները։ Ներկայացման առանցքում այն մարդկանց փոխհարաբերություններն են, որոնց կյանքում գահի համար պայքարը փորձության է ենթարկում ընտանեկան կապերն ու մարդկային արժանապատվությունը։
Թատրոնի ելույթը կընդգրկվի Ռուսաստանում Հայաստանի մշակույթի օրերի ծրագրում՝ ռուսաստանյան հանդիսատեսին ներկայացնելով Երևանի ռուսալեզու թատերարվեստի բեմադրություններից մեկը։